Bolke Ranangan

धावणे, गोळाफेक, भालाफेक, लांब उडी व रिलेत उल्लेखनीय यश; ४×१०० मीटर रिलेत प्रथम क्रमांक म्हसावद : जळगाव येथील क्रीडा संकुलावर पार पडलेल्या तालुकास्तरीय क्रीडा स्पर्धा २०२६ मध्ये स्वा. सै. पं. ध. थेपडे माध्यमिक व उच्च माध्यमिक विद्यालय, म्हसावदच्या खेळाडूंनी आपल्या गुणवत्तेची दमदार चुणूक दाखवत विविध क्रीडा प्रकारांत उल्लेखनीय यश संपादन केले. धावण्याच्या विविध प्रकारांसह गोळाफेक, भालाफेक, लांब उडी आणि रिले स्पर्धेत विद्यार्थ्यांनी पदकांची कमाई केली. १४ वर्षांखालील १०० मीटर धावण्यात विशाल भीमा शिंदे याने तृतीय क्रमांक पटकावला. १७ वर्षांखालील गटात मोहित धनगर याने ३००० मीटर धावणे व गोळाफेकमध्ये दुहेरी प्रथम क्रमांक मिळविला. ३००० मीटरमध्ये अस्लम पठाण याने द्वितीय, १५०० मीटरमध्ये रोहन मेघराज जाधव याने द्वितीय, तर ८०० मीटरमध्ये तुषार सुनील पाटील याने तृतीय क्रमांक मिळविला. भालाफेकमध्ये यश सुभाष कोळी याने द्वितीय क्रमांक पटकावला. लांब उडीत हितेश धनगर याने द्वितीय, तर अनंत कोळी याने तृतीय क्रमांक मिळविला. १९ वर्षांखालील गटातही थेपडे विद्यालयाच्या खेळाडूंनी दमदार कामगिरी केली. कार्तिक गोपाल राठोड ...

मुख्यसंपादक डी. एम. सोनवणे  म्हसावद : स्वा. सै. पं. ध. थेपडे माध्यमिक व उच्च माध्यमिक विद्यालय, म्हसावद ता. जि. जळगांव या विद्यालयाने शिक्षण विभाग समिती, जळगाव यांच्या वतीने आयोजित राष्ट्रीय विज्ञान नाट्योत्सव २०२६–२७ मध्ये उल्लेखनीय यश संपादन केले. तालुकास्तरीय विज्ञान नाटिका स्पर्धेत विद्यालयाच्या नाटिकेने तृतीय क्रमांक मिळवत विद्यालयाच्या शिरपेचात मानाचा तुरा रोवला. दि. १७ सप्टेंबर २०२६ रोजी आयोजित या विज्ञान नाट्योत्सवाचे उद्घाटन मा. श्री. अजितदादा तडवी, गटशिक्षणाधिकारी, पंचायत समिती जळगाव यांच्या हस्ते झाले. प्रमुख अतिथी म्हणून मा. श्री. खलील शेख, प्रशासन अधिकारी, मनपा जळगाव उपस्थित होते. विज्ञान नाटिकेच्या परीक्षक म्हणून वर्षा महाले व वृषाली चौधरी या ज्येष्ठ विज्ञान शिक्षिकांनी जबाबदारी पार पाडली. थेपडे विद्यालयाच्या विद्यार्थ्यांनी सादर केलेल्या विज्ञान नाटिकेने आपल्या प्रभावी अभिनयातून, आशयपूर्ण मांडणीतून आणि सादरीकरणातील कल्पकतेतून उपस्थितांची मने जिंकली. इयत्ता ७ वी, ८ वी व ९ वी मधील विद्यार्थी-विद्यार्थिनींनी उत्स्फूर्त सहभाग घेत उत्कृष्ट नाट्यप्रयोग सादर केला. विज्ञान व...

संपादक दिनेश सोनवणे  म्हसावद : अमर संस्था, चोपडा आयोजित मातृहृदयी कै. सुशीलाताई गुलाबराव पाटील यांच्या स्मृतिप्रीत्यर्थ जिल्हास्तरीय वक्तृत्व स्पर्धेचे आयोजन दि. १५ सप्टेंबर २०२६, मंगळवार रोजी बालमोहन विद्यालय शैक्षणिक संकुल, चोपडा येथे करण्यात आले. या स्पर्धेत स्वा. सै. पं. ध. थेपडे माध्यमिक व उच्च माध्यमिक विद्यालय, म्हसावद येथील इयत्ता दहावी ‘अ’चा विद्यार्थी मयुरेश महेंद्र धनगर याने द्वितीय गटात (इयत्ता आठवी ते दहावी) आपल्या प्रभावी वक्तृत्वाने उपस्थितांची मने जिंकत प्रथम क्रमांक पटकावला. मयुरेश धनगर याने आत्मविश्वासपूर्ण मांडणी, प्रभावी भाषाशैली, विषयाचे सखोल आकलन आणि ओघवत्या वक्तृत्वाच्या जोरावर स्पर्धेत उल्लेखनीय कामगिरी करत विद्यालयाच्या शिरपेचात आणखी एक मानाचा तुरा खोवला. स्पर्धेच्या पारितोषिक वितरण व सत्कार समारंभप्रसंगी अध्यापक विद्यालयाचे प्राचार्य तसेच विविध शाखांतील संस्थांचे मान्यवर पदाधिकारी उपस्थित होते. मान्यवरांच्या हस्ते विजेता मयुरेश धनगर याचा सत्कार करून त्याचे अभिनंदन करण्यात आले. याप्रसंगी विद्यालयाचे पर्यवेक्षक श्री एस जे पवार सर व श्री एस सी बाविस्कर सर उप...

दि. 13 सप्टेंबर 2026 संपादक दिनेश सोनवणे  म्हसावद : स्वा. सै. पं. ध. थेपडे माध्यमिक व उच्च माध्यमिक विद्यालय, म्हसावद ता. जि. जळगांव या विद्यालयाचे प्राचार्य श्री जी. डी. बच्छाव सर यांच्या उल्लेखनीय शैक्षणिक कार्याची व गुणवत्तापूर्ण शैक्षणिक योगदानाची दखल घेत बंसल क्लासेस, जळगाव यांच्या वतीने त्यांना ‘शिक्षक गौरव व सन्मान सोहळा २०२६’ या प्रतिष्ठित पुरस्काराने सन्मानित करण्यात आले. विद्यार्थ्यांच्या सर्वांगीण विकासासाठी सातत्याने प्रयत्नशील राहणे, शैक्षणिक गुणवत्तावाढीसाठी विविध उपक्रम राबविणे, विद्यार्थ्यांना स्पर्धात्मक परीक्षांसाठी प्रोत्साहन देणे तसेच विद्यालयाच्या शैक्षणिक प्रगतीला नवी दिशा देण्यासाठी केलेल्या उल्लेखनीय कार्याबद्दल प्राचार्य श्री जी. डी. बच्छाव सर यांना हा पुरस्कार प्रदान करण्यात आला. या सन्मान सोहळ्यास महाराष्ट्र राज्याचे पाणीपुरवठा मंत्री तथा जळगाव जिल्ह्याचे पालकमंत्री श्री गुलाबरावजी पाटील तसेच जळगाव लोकसभा मतदारसंघाच्या खासदार श्रीमती स्मिता वाघ यांची प्रमुख उपस्थिती होती. मान्यवरांच्या उपस्थितीत झालेल्या या गौरव सोहळ्यामुळे कार्यक्रमाला विशेष महत्त्व प्र...

विद्यार्थ्यांनी साकारलेल्या ५५ विज्ञान मॉडेल्ससह विविध विषयांवरील PPT सादरीकरण; रांगोळी स्पर्धेलाही उत्स्फूर्त प्रतिसाद दिनांक 12 सप्टेंबर 2026  म्हसावद, ता. जि. जळगाव : स्वा. सै. पं. ध. थेपडे माध्यमिक व उच्च माध्यमिक विद्यालय, म्हसावद येथे शालेय स्तरीय विज्ञान प्रदर्शनाचे उत्साहपूर्ण वातावरणात आयोजन करण्यात आले. विद्यार्थ्यांमध्ये वैज्ञानिक दृष्टिकोन, सर्जनशीलता, निरीक्षणशक्ती, प्रयोगशीलता आणि नवोपक्रमाची आवड निर्माण व्हावी, तसेच विज्ञान विषयातील संकल्पना प्रत्यक्ष कृतीतून समजाव्यात, या उद्देशाने या विज्ञान प्रदर्शनाचे आयोजन करण्यात आले होते. विज्ञान प्रदर्शनाचे उद्घाटन विद्यालयाचे प्राचार्य श्री. जी. डी. बच्छाव सर यांच्या हस्ते करण्यात आले. यानंतर सरस्वती मातेचे तसेच भारतरत्न डॉ. ए. पी. जे. अब्दुल कलाम यांच्या प्रतिमेचे पूजन करण्यात आले. कार्यक्रमाच्या प्रारंभी विद्यार्थ्यांना विज्ञानाच्या माध्यमातून समाजाच्या प्रगतीसाठी योगदान देण्याचा संदेश देण्यात आला. कार्यक्रमाचे सूत्रसंचालन श्रीमती के. एस. पाटील मॅडम यांनी प्रभावीपणे केले. विज्ञान प्रदर्शनाची भूमिका व उद्दिष्टे याविषयी श्री...

  विद्यार्थ्यांच्या कल्पकतेला मिळाला सर्जनशीलतेचा व पर्यावरण संवर्धनाचा सुंदर आयाम म्हसावद, दि. ९ सप्टेंबर २०२६ : स्वा. सै. पं. ध. थेपडे माध्यमिक व उच्च माध्यमिक विद्यालय, म्हसावद ता. जि. जळगाव येथे विद्यार्थ्यांच्या कलागुणांना व सर्जनशीलतेला वाव देण्याच्या उद्देशाने शाडू मातीपासून पर्यावरणपूरक श्री गणेशमूर्ती निर्मिती कार्यशाळेचे आयोजन बुधवार, दि. ९ सप्टेंबर २०२६ रोजी करण्यात आले. इयत्ता पाचवी ते बारावीच्या असंख्य विद्यार्थ्यांनी या कार्यशाळेत उत्स्फूर्त सहभाग नोंदवत आपल्या कल्पकतेतून आकर्षक गणेशमूर्ती साकारल्या. कार्यशाळेदरम्यान विद्यार्थ्यांनी काहींनी समूहाने, तर काहींनी स्वतंत्रपणे श्री गणेशाच्या विविध रूपांना आकार दिला. कुणाच्या गणपतीच्या मूर्तीला पारंपरिक रूप लाभले, तर कुणी आपल्या कल्पनाशक्तीचा वापर करून वैशिष्ट्यपूर्ण आणि कलात्मक रूप साकारले. मातीला आकार देताना विद्यार्थ्यांच्या चेहऱ्यावर दिसणारा उत्साह, समाधान आणि आनंद हा विशेष आकर्षणाचा विषय ठरला. त्यांच्या कलाकृतींमधून ‘चाइल्ड आर्ट' अर्थात बालसुलभ कल्पनाशक्ती, निरीक्षणशक्ती आणि सर्जनशीलतेचे दर्शन घडले. पर्यावरणपूरक गणेश...

     वाढदिवसानिमित्त पत्रकारांकडून अनोखी शुभेच्छा; कार्यकर्त्यांचा मोठा उत्साह हिंदी-मराठी पत्रकार संघाच्या महाराष्ट्र राज्य अध्यक्षा धनश्रीताई काटिकर पाटील यांचा वाढदिवस नुकताच मोठ्या उत्साहात साजरा करण्यात आला. या निमित्ताने पत्रकार संघाच्या वतीने त्यांची साखरेने तुला (साखरतुला) करून त्यांना अनोख्या शुभेच्छा देण्यात आल्या. सामाजिक आणि पत्रकारिता क्षेत्रात त्यांनी केलेल्या उल्लेखनीय कार्याचा गौरव म्हणून हा सोहळा आयोजित करण्यात आला होता. धनश्रीताई काटीकर पाटील यांनी नेहमीच पत्रकारांच्या प्रश्नांसाठी आणि समाजातील उपेक्षित घटकांसाठी लढा दिला आहे. त्यांच्या या कार्याप्रती कृतज्ञता व्यक्त करण्यासाठी पत्रकार संघाच्या पदाधिकारी व सदस्यांनी एकत्र येत हा साखरतुलेचा कार्यक्रम आखला. यावेळी उपस्थित मान्यवरांच्या हस्ते धनश्रीताईंचे औक्षण करण्यात आले. कार्यकर्त्यांचे अथक परिश्रम हा सोहळा यशस्वी करण्यासाठी हिंदी-मराठी पत्रकार संघाच्या सर्व सदस्यांनी आणि कार्यकर्त्यांनी गेल्या अनेक दिवसांपासून मोठी तयारी केली होती. कार्यक्रमाचे नियोजन, सजावट आणि पाहुण्यांचे स्वागत यासाठी कार्यकर्त्यांनी...